வெள்ளை பொங்கல்

Loading...

பொங்கல் என்பது கிராமங்களில் சிறப்பாக கொண்டாடப்படும் ஒரு பண்டிகை. அந்த சிறப்பான பொங்கல் நாளில் கிராமத்து மக்கள் இந்த பால் பொங்கல்(வெள்ளை பொங்கல்) அல்லது சர்க்கரைப் பொங்கல் செய்து படைப்பது வழக்கமாகும். அந்த சுவையான பால் பொங்கல் செய்வதற்கான செய்முறை குறிப்பு இங்கே வழங்கப்பட்டுள்ளது.

தேவையான பொருட்கள்

  • புதிய பச்சரிசி – 1 கப்
  • பால் – 2 கப்
  • தண்ணீர் – 2 கப்
  • உப்பு – 1/4 தேக்கரண்டி

பால் பொங்கல்

செய்முறை

  1. அரிசியை சிறிது நேரம் ஊற வைத்து கழுவி, நீரை வடித்துவிட்டு வைக்கவும்.
  2. ஒரு அடிக்கனமான பாத்திரத்தில் பால் மற்றும் தண்ணீர் கலந்து கொதிக்க விடவும்.
  3. தண்ணீர் மற்றும் பால் கொதித்து மேலே பொங்க வரும்பொழுது, நீரை வடித்து வைத்துள்ள அரிசியை சேர்த்து குறைவான தீயில் அரிசியை வேக விடவும்.
  4. சாதத்தை அவ்வப்பொழுது கிளறிக் கொள்ள வேண்டும், இல்லயேனில் அடிப்பிடித்து விடும்.
  5. சாதம் வெந்து நன்கு குழைந்தவுடன் உப்பு சேர்த்து கிளறி அடுப்பை அணைத்து விடவும்.
  6. பொங்கல் மிகவும் கெட்டியாக இருந்தால்,தனியாக சிரித்து பாலைக் காய்ச்சி பொங்கலுடன் கலந்து விடவும்.
  7. இப்போது சுவையான பால் பொங்கல் தயார்.
குக்கர் செய்முறை
  1. குக்கரில் பால், தண்ணீர் மற்றும் கழுவி வைத்துள்ள அரிசியை சேர்த்து 5 விசில் வரை வேக விடவும்.
  2. பின் வெந்த சாதத்தை கரண்டியால் மசித்துக் கொள்ளவும்.
  3. இறுதியாக உப்பு சேர்த்து கலந்து படைக்கவும்.

படைக்கும் முறை

  • வாழை இலையை நன்கு கழுவி, துடைத்துக் கொள்ளவும்.பின் அதை சாமிக்கு முன்பாக வைத்து, அதில் பொங்கலை இரண்டு கரண்டி வைக்கவும்.
  • பொங்களுக்கு நடுவில் ஒரு சிறு குழி போல் செய்து, அதில் நெய் ஊற்றி அதன் மேல் பாதி உரித்த வாழைப் பழத்தை வைத்து சாமிக்கு படைக்கவும்.

குறிப்பு 

  •  பழைய பச்சரிசி பயன்படுத்தினால் பால் அல்லது தண்ணீர் இன்னும் கொஞ்சம் சேர்த்துக் கொள்ளவும்.
  •  குக்கரில் செய்வதை விட பாத்திரத்தில் செய்வது நல்லது
Loading...
Loading...
Categories: Saiva samyal, Tamil Cooking Tips, சிற்றுண்டி, சைவம்

Leave a Reply


Recent Recipes

Sponsors