நண்டு வறுவல்|nandu varuval in tamil samayal kurippu

Loading...

தேவையானப் பொருள்கள்:

நண்டு_1 பெரியது
சின்ன வெங்காயம்_7
பூண்டு_பாதி
தக்காளி_1
மஞ்சள் தூள்_1/2 டீஸ்பூன்
மிளகாய்த்தூள்_2 டீஸ்பூன்
உப்பு_தேவைக்கு
நல்லெண்ணெய்_2 டீஸ்பூன்

செய்முறை:

நண்டை சுத்தம் செய்து நீரை வடித்து வைக்கவும்.

வாங்கும் இடத்திலேயே சுத்தம் செய்து நறுக்கி வந்துவிட்டால் வீட்டிற்கு வந்து கழுவி வேலையை சுலபமாக முடித்துவிடலாம்.

crab fry in tamil recipe,crab fry in tamil samayal,cooking tips crab fry in tamil ,tamil nadu samayal crab fry

வெங்காயம்,தக்காளி,பூண்டு இவற்றைப் பொடியாக நறுக்கி வைக்கவும்.

ஒரு அடி அகலமானக் கடாயை அடுப்பில் வைத்து எண்ணெய் ஊற்றி சூடாக்கி வெங்காயம்,பூண்டு,தக்காளி இவற்றை அடுத்தடுத்து சேர்த்து வதக்கவும்.

நன்றாக வதங்கியதும் மஞ்சள்தூள்,மிளகாய்த்தூள்,உப்பு சேர்த்து வதக்கவும். காரம் விரும்புவோர் மிளகாய்த்தூளை கொஞ்சம் கூடுதலாக சேர்த்துக்கொள்ளலாம்.

அடுத்து நண்டு சேர்த்துக் கிளறிவிடவும்.மசாலா நண்டு முழுவதும் படுமாறு நன்றாகக் கிளறிவிடவும்.

பிறகு 1/2 டம்ளர் அளவிற்குத் தண்ணீர் ஊற்றி மூடி வேக வைக்கவும்.

இடையிடையே பிரட்டி விடவும்.

தண்ணீர் முழுவதும் வற்றி,நண்டு வெந்து வாசனை வந்த பிறகு இறக்கவும்.

இது எல்லா வகையான சாதத்திற்கும் நன்றாகப் பொருந்தும்.

நண்டு கிரேவியாக வேண்டுமானால் மேலும் 1/2 டம்ளர் தண்ணீர் சேர்த்துக்கொள்ளலாம்.

நண்டு வறுவலை வெங்காயம்,தக்காளி,பூண்டு இவை சேர்க்காமலும் சுவையாகச் செய்யலாம்.

அதற்கு கடாயில் எண்ணெய் ஊற்றிக் காயவைத்து நண்டு,மஞ்சள்தூள், மிளகாய்த்தூள்,உப்பு சேர்த்து 1/2 டம்ளர் தண்ணீர் ஊற்றி தண்ணீர் வற்றும் வரை அடிக்கடி கிளறிவிட்டு வேக வைக்க வேண்டும்.

Loading...
Loading...
Categories: Non Vegetarian Recipes Tamil, Tamil Cooking Tips, அசைவம்

Leave a Reply


Recent Recipes

Sponsors