பரோட்டா|parotta seivathu eppadi

Loading...

தேவை:

மைதா_ 3 கப்

சோடா உப்பு_1 துளி

உப்பு_தேவையான அளவு

எண்ணெய்_ 1/4 கப்

செய்முறை:

மைதா,சோடா உப்பு,உப்பு மூன்றையும் இரண்டு (அ) மூன்று முறை சலித்துக்கொள்ளவும்.பிறகு கொஞ்சம் கொஞ்சமாக தண்ணீர் ஊற்றி சப்பாத்தி மாவு பதத்திற்கு பிசைந்து மாவு முழுவதும் எண்ணெய் தடவி மூடி ஊற வைக்கவும்.

சுமார் ஒரு மணி நேரம் கழித்து மாவிலிருந்து சிறுசிறு உருண்டைகளாக உருட்டி  எண்ணெய் தடவி மூடி வைக்கவும்.

மீண்டும் ஒரு மணி நேரம் கழித்து ஒவ்வொரு உருண்டையாக எடுத்து எண்ணெய் தடவிக்கொண்டு ஒரு கனமான பெரிய அகலமான தட்டை கவிழ்த்துப் போட்டு சப்பாத்திக்கு தேய்ப்பது போல் ஆனால் மிகவும் மெல்லியதாக (கண்ணாடி போல்) பரத்தி அகலமாகத் தேய்க்க   வேண்டும்.

 

parota-recipe in tamil,parotta  samayal kurippu,tamil nadu parotta  samayal,cooking tips in tamil parotta  ,parotta  how to make tamil

நன்கு தேய்த்த பிறகு ஒரு முனையைப் பிடித்து தூக்க வேண்டும்.துணியின் கொசுவம் மாதிரி வரும்.அதை உள்ளங்கையில் வைத்து சுருட்ட வேண்டும்.இதுபோல் எல்லா உருண்டைகளையும் செய்து கொள்ள வேண்டும்.

இப்போது ஒவ்வொன்றாக எடுத்து சப்பாத்திக்கு தேய்ப்பது போல் ஆனால் இம்முறை சிறிய வட்டமாக கனமாக தேய்த்து மீண்டும் எண்ணெய் தடவி மூடி வைக்கவும்.

இப்போது தோசைக்கல்லை அடுப்பில் வைத்து சூடேற்றி எண்ணெய் விட்டு ஒவ்வொரு பரோட்டாவாக போட்டு இருபுறமும் சிவக்க விட்டு எடுக்கவும்.

எடுத்தவுடன் அதே சூட்டுடனேயே உள்ளங் கைகளுக்கிடையில் வைத்து அழுத்தி நொறுக்கி தட்ட வேண்டும். அப்போதுதான் ஏடு ஏடாக வரும்.

இதனுடன் குருமா (அ) சால்னா தொட்டு சாப்பிட இதற்காக இவ்வளவு நேரம் செலவிட்டதே மறந்து போகும்.இதற்கு நேரமும் வேலையும் அதிகம்.ஆனாலும் வீட்டிலேயே செய்து சாப்பிடும் போது அதில் ஒரு திருப்தி இருக்கத்தான் செய்கிறது.

Loading...
Loading...
Categories: Parotta Recipe In Tamil, Tamil Cooking Tips, சிற்றுண்டி

Leave a Reply


Recent Recipes

Sponsors