இந்தியன் ஸ்டைல் தக்காளி பாஸ்தா ,tamil samayal tips

தேவையான பொருட்கள்:

பாஸ்தா – 3 கப்

வெங்காயம் – 1
கேரட் – 1
தக்காளி – 2
பூண்டு – 2-3 பற்கள்
இஞ்சி – 1 இன்ச்
பச்சை மிளகாய் – 1-2
சாம்பார் பொடி – 1 டீஸ்பூன்
தக்காளி சாஸ் – 1 டேபிள் ஸ்பூன்
உப்பு – தேவையான அளவு
எண்ணெய் – தேவையான அளவு
கொத்தமல்லி – சிறிது

தக்காளி பாஸ்தா

செய்முறை:

வெங்காயம், கொத்தமல்லி, கேரட், இஞ்சி, பூண்டை பொடியாக நறுக்கி கொள்ளவும்.

தக்காளியை அரைத்து கொள்ளவும்.

ஒரு பாத்திரத்தில் தண்ணீர் ஊற்றி அடுப்பில் வைத்து நன்கு கொதிக்க விட வேண்டும். பின் அதில் பாஸ்தாவை சேர்த்து 4-5 நிமிடம் கொதிக்க விட்டு இறக்கி, நீரை வடித்து விட்டு, பின் குளிர்ந்த நீரில் ஒருமுறை அலசி தனியாக வைத்துக் கொள்ள வேண்டும்.

மற்றொரு வாணலியை அடுப்பில் வைத்து, அதில் 2 டீஸ்பூன் எண்ணெய் ஊற்றி காய்ந்ததும், வெங்காயத்தை சேர்த்து பொன்னிறமாக வதக்கி, இஞ்சி, பூண்டு மற்றும் பச்சை மிளகாய் சேர்த்து நன்கு வதக்க வேண்டும்.

அடுத்து அதில் கேரட்டை சேர்த்து நன்கு வதக்கி, பின் அதில் அரைத்து வைத்துள்ள தக்காளியை சேர்த்து நன்கு பச்சை வாசனை போக வேக வைக்க வேண்டும்.

தக்காளி பச்சை வாசனை போனவுடன் அதில் சாம்பார் பொடி, தக்காளி சாஸ் மற்றும் உப்பு சேர்த்து சிறிது நேரம் கிளறி, பின் வேக வைத்துள்ள பாஸ்தாவை சேர்த்து பிரட்டி, கொத்தமல்லியைத் தூவி இறக்கினால், தக்காளி பாஸ்தா ரெடி!!!
Loading...
Categories: Samayal Tips Tamil

Leave a Reply


Sponsors