கர்ப்பிணி: வயிற்றிலேயே குழந்தைக்கு நோய் எதிர்ப்பு சக்தி அதிகரிக்கணுமா? இதை சாப்பிடுங்க.., pregnancy tips in tamil, child care pregnant health tips in tamil

கர்ப்பிணிகளுக்கு சுகப்பிரசவம் ஆகும் என்று பட்டியலிடும் உணவுகள் அனைத்திலும் நீக்கமற நிறைந்திருக்கும் கீரை வகைகள். கீரையில் இருக்கும் சத்துகள் என்று பட்டியல் இடமுடியாத அளவுக்கு வகைவகையான கீரைகளில் ஒவ்வொரு விதமான சத்துகளும் நிறைந்திருக்கிறது. கர்ப்பக் காலத்தில் கர்ப்பிணிகளுக்கு வேண்டிய அத்தனை சத்தையும் கீரை ஒன்று தந்துவிடுகிறது என்கிறார்கள் வீட்டு பெரியவர்கள். அப்படி என்ன இருக்கு கீரையில் என்று தெரிந்துகொண்டால் நீங்கள் கீரையை எப்போதும் தவிர்க்கமாட்டீர்கள்.

​கீரைகள்

கீரைகள் பலன் தரக்கூடியது என்பதை நம் முன்னொர்கள் காலம் தொட்டு கடைப்பிடித்து வருகிறோம். வய்ல் ஓரங்களிலும், வேலிகளிலும் படரும் கீரைகளை பறித்து அன்றாடம் ஒரு கீரைவகையை சாப்பிட்டு ஆரோக்கியமாக இருந்தார்கள்.

கீரைகளின் வகைகள் 60க்கும் மேற்பட்டு இருந்தாலும் இன்று40 வகையான கீரைகளை தான் தெரிந்துவைத்திருக்கிறோம். அதிலும் குறிப்பிட்ட 15 வகையான கீரைகளைத்தான் நாம் பயன் படுத்திவருகிறோம்.

முருங்கைக்கீரை, அரைக்கீரை, முடக்கத்தான் கீரை,பசலைக்கீரை, சிறுகீரை, பொன்னாங் கண்ணி கீரை, சுக்காங்கீரை, புளிச்சக்கீரை, பண்ணைக்கீரை, முள்ளங்கிக் கீரை, பருப்புக்கீரை, வாயு கீரை, தூதுவளைக்கீரை, முளைக்கீரை, அகத்திக்கீரை, மணத்தக்காளி கீரை, கரிசலாங் கண்ணி கீரை, கலவை கீரை, வெந்தயக்கீரை, பாலக்கீரை, முருங்கைக்கீரை இப்படி வகை வகை யான கீரைகள் உடலுக்கு வேண்டிய அத்தனை சத்துகளையும் இயற்கையாக நிரந்தரமாக தருகிறது என்பதை யாரும் மறுக்க முடியாது.

​கர்ப்பக்காலத்தில் கீரைகள்

கர்ப்பக்கால உபாதைகள் எல்லாமே ஆதிகாலம் தொட்டே பெண்களுக்கு உண்டு. கர்ப்பக்கால மசக்கை , சோர்வு, ஒவ்வாமை, தலைசுற்றல், உடல் பலவீனம், கை,கால்,முகம் வீக்கம், சிறுநீரகத் தொற்று, மலச்சிக்கல் இப்படியான குறைபாட்டை பெண்கள் அனுபவித்து வந்தார்கள். அதில் நீரிழிவு பிரச்சனை, உயர் இரத்த அழுத்தம் என்னும் தற்காலிக நோய் தான் சமீப வருடங்களாக அதிகரித்துவருகிறது.

எனினும் இந்த குறைபாடுகளின் தீவிரம் அதிகரிக்காமல் இருக்க எந்த மருத்துவ சிகிச்சையும் செய்து கொள்ளாமல் கைவைத்தியமாகவும், உணவு முறை பழக்கத்திலும் வாழ்ந்தார்கள் நம் முன் னோர்கள்.அந்த வகையில் கர்ப்பக்காலத்தில் அன்றாடம் அவசியமாக இடம்பெற்ற உணவில் கீரைக்கு தனி இடம் உண்டு.

​கீரையை எப்படி எடுத்துகொள்ளலாம்.

கர்ப்பக்காலத்தில் காஃபி, டீ, செயற்கை பானங்களைத் தவிர்த்து பழச்சாறுகள், சூப் வகைகள் எடுத் துகொள்ளவேண்டும் என்று வலியுறுத்துகிறார்கள் மருத்துவர்கள். அந்த வகையில் தினம் ஒரு கீரையை பொரியலாகவோ, குழம்பாகவோ, கூட்டாகவோ, சூப் ஆகவோ செய்து சாப்பிடலாம். குறிப்பாக தண்டு இருக்கும் கீரை வகைகள் கர்ப்பக்கால உபாதையை வராமல் செய்யும்.

அன்றாடம் கீரை சாப்பிடுகிறேன் என்று சொல்லும் கர்ப்பிணிகள் உரிய முறையில் சாப்பிடுவ தில்லை என்று சொல்லலாம். ஒரு கப் சாதத்துக்கு இரண்டு கப் கீரை வீதம் கீரை எடுத்துகொள்ள வேண்டும்.

​கீரை சூப்

முருங்கைக்கீரை, மணத்தக்காளி கீரை, முள்ளங்கி கீரை தண்டுகளை சிறு துண்டுகளாக நறுக்கி மண்சட்டியில் வேக வைக்கவும். அவை நன்றாக வெந்ததும் அதை மத்தால் மசித்து வடிகட்டவும். வாணலியில் ஒரு டீஸ்பூன் எண்ணெய் விட்டு சீரகம், சாம்பார்வெங்காயம், தக்காளி நறுக்கி சேர்த்து ஒரு வதக்கு வதக்கி தேவையான உப்பு சேர்க்கவும்.

அவை வதங்கியதும் வடிகட்டிய கீரை நீர் சேர்த்து ஒரு கொதிவிட்டு இறக்கி தேவையான அளவு கொத்துமல்லித்தழை, கறிவேப்பிலை சேர்த்து மிளகுத்தூள் காரத்துக்கேற்ப கலந்து குடிக்க வேண் டும். கருவுற்ற நாள் முதலே இதை சேர்த்துவந்தால் ஒவ்வாமை, வாந்தி பிரச்சனை இருக்காது என்கி றார்கள் பாட்டி வைத்தியத்தில் கை தேர்ந்தவர்கள். அன்றாடம் ஒரு சூப் ஆரோக்கியமான சுகப்பிரசவம் உண்டாகவும் வாய்ப்பு உண்டு.

கீரை ரெஸிபி

ஒரு கப் சாதத்துக்கு இரண்டு கப் கீரை வீதம் தினம் ஒரு கீரையை சேர்க்க வேண்டும். கீரை குழம்பாக இருந்தால் பருப்பு சேர்க்காமல் பூண்டு அதிகமாக சேர்க்க வேண்டும். கீரையை பொரி யலாக செய்யும் போது பருப்பு, தேங்காய்த்துருவல் சேர்த்து செய்தால் அதையே சாதத்தில் பிசைந்து சாப்பிடலாம்.

வெந்தயக்கீரை, பாலக் கீரை வகைகளை சப்பாத்தி மாவில் சரிக்கு சமமாக கலந்து சப்பாத்தியாக இட்டு திரட்டி சாப்பிடலாம். முருங்கைக்கீரையை கேழ்வரகு அடையில் சரிக்கு சமமாக கலந்து அடையாக தட்டி வெல்லம் தொட்டு சாப்பிட வேண்டும். கீரையுடன் பாசிப்பருப்பு சேர்த்து கூட்டாக வைத்து சாப்பிடலாம். எல்லாவிதமான கீரையையும் கூட்டாக வைக்கலாம்.

புளிச்சக்கீரை, தூதுவளைக்கீரை, வல்லாரை, கறிவேப்பிலை, புதினா, பண்ணைக்கீரையை துவை யலாக்கி நல்லெண்ணெயுடன் கலந்து சாப்பிடலாம். இப்படி தினம் ஒரு கீரையை சமைத்து சாப்பிட் டால் குழந்தைக்கு வேண்டிய அத்தனை சத்துகளும் குறையில்லாமல் கிடைக்கும் என்கிறார்கள் மருத்துவர்கள். அப்படி கிடைக்கும் பலன்களில் சில பொதுவானவற்றை பார்க்கலாம்.

​சிறுநீர் தொற்றும், மலச்சிக்கலும்

கர்ப்பகாலத்தில் கருப்பையும் சிறுநீர்ப்பையும் மலக்குடலும் அருகருகில் இருக்கும். வயிற்றில் இருக் கும் சிசு வளர வளர அவை சிறுநீர்ப்பையை அழுத்தும். அதனால் சிறுநீர்ப்பையில் சிறுநீர் தேங்கா மல் இருக்க அவ்வபோது சிறுநீர் கழிக்கும் உணர்வு உண்டாகும். ஆனால் சிறுநீரை நச்சுகள் தேக்கா மல் வெளியேற்ற கீரைகள் உதவும். கர்ப்பக்காலத்தில் உண்டாகக்கூடிய கை, கால் வீக்கமானது கெட்ட நீர் தேங்குவதால் உண்டாகக்கூடியது. கீரை உணவு இந்த நீரை வெளியேற்றுவதால் பேறு காலத்தில் வீக்கம் இருக்காது.

தினமும் ஏதாவது ஒரு வகையில் கீரை உணவை எடுத்துகொள்ளும் போது மலச்சிக்கல் இல்லாமல் இருக்கும். கர்ப்பக்காலத்தில் இயல்பாக உண்டாகும் மலச்சிக்கலை இல்லாமல் கழிக்க கீரை ஒன்று மட்டுமே போதும். இவை தவிர நீரிழிவு, உயர் இரத்த அழுத்தம் வராமல் காக்கும். அதை கட்டுக்குள் வைக்கவும் உதவும்.

​குழந்தைக்கு சத்து

கருத்தரித்த பெண்களுக்கு ஃபோலிக் ஆசிட் மாத்திரைகளை மருத்துவர்கள் பரிந்துரைக்கிறார்கள். கீரையை அதிகம் எடுத்துகொள்வதன் மூலம் அவை கருவின் டிஎன்ஏ வளர்ச்சிக்கும், ஹீமோகுளோ பின் அளவு அதிகரிக்கவும் குழந்தையின் எலும்பை உறுதியாக்கவும் இவை உதவுகிறது.

வாதம், பித்தம், கபம் மூன்றும் சம நிலையில் இருக்க வேண்டும் என்று சொல்லும் சித்தர்களின் வாக்குகேற்ப கீரைகள் செயல்படுகிறது. கர்ப்பக்காலத்தில் தாய் எடுத்துகொள்ளும் சத்துகள் குழந்தைக்கும் சேர்கிறது. அதனால் தான் சத்தான உணவை எடுத்துகொள்ள வேண்டும் என்று வலியுறுத்துகிறோம். கீரையில் இரும்புச்சத்து, கால்சியம், பாஸ்பரஸ், வைட்டமின் ஏ, வைட்டமின் பி, வைட்டமின் சி, தாதுக்கள் அனைத்தும் இயற்கையாகவே நிறைந்திருக்கிறது.

ஒவ்வொரு கீரையிலும் ஒவ்வொரு விதமான சத்துகள் நிறைந்திருக்கிறது. வேளைக்கு ஒரு கீரை என்னும் போது குழந்தையின் சீரான வளர்ச்சிக்கும் இது உதவுகிறது. அதோடு குழந்தை கருவிலேயே நோய் எதிர்ப்புசக்தியை அதிகரிக்கவும் செய்கிறது.

பத்துரூபாய் கீரைகட்டில் பல மடங்கு சத்து தரும் கீரையை கர்ப்பக்காலத்தில் தினமும் எடுத்து கொண்டால் அம்மாவுக்கும் பிறக்கும் குழந்தைக்கும் நிச்சயம் ஆரோக்கியம் அதிகரிக்கும்.குழந்தை வளரும் போதே உடலில் நோய் எதிர்ப்பு சக்தியோடு வளரும் என்பதும் உறுதி.

Loading...
Categories: Pregnancy Tips Tamil

Leave a Reply


Sponsors