அடிவயிற்றில் சுளீர் என்று வலி உண்டாகிறதா? இதப்படிங்க முதல்ல!, stomach pain tips in Tamil, tamil health tips

வயிற்று வலி என்றதுமே நம் மனதில் பலவித கற்பனைகள் ஓடும். வயிற்றின் இட மற்றும் வலப் பக்கங்களில், அடி வயிற்றில் வலி ஏற்பட காரணம் என்ன எனத் தெரியாமல் ஏதாவது பெரிய நோயாக இருக்குமோ என பலர் அதிர்ச்சி அடைவதுண்டு. இது எதனால் ஏற்படுகிறது, என்ன காரணம் எனப் பார்ப்போமா?

அடிவயிற்றில் சுளீர் என்று வலி உண்டாகிறதா? இதப்படிங்க முதல்ல!
நெஞ்சுக்கூட்டுக்கு கீழ், வயிற்றின் இட மற்றும் வலப் பக்கங்களில், அடி வயிற்றில் வலி ஏற்பட காரணம் என்ன எனத் தெரியாமல் ஏதாவது பெரிய நோயாக இருக்குமோ என பலர் அதிர்ச்சி அடைவதுண்டு. இது வெறும் சுளுக்கு அல்லது தசைப் பிடிப்பா அல்லது நாள்பட்ட நோய் அறிகுறியா என சிந்திப்பவர்களுக்கான கட்டுரை இது.

’இரிட்டபிள் பவல் சிண்ட்ரோம்’ இதற்கு ஒரு முக்கியக் காரணியாக இருக்க வாய்ப்புள்ளது. நேரம் தவறி கண்ட நேரங்களில் நொறுக்குத் தீனிகள் உட்கொள்வது, நேரத்துக்குச் சாப்பிடாமல் இருப்பவர்களுக்கு இது ஏற்படும். எச்சில் விழுங்கினாலே வயிற்றை கலக்குவது போலவும் மலம் கழிக்கவும் தோன்றும். சாப்பிட்டு முடித்ததும், தண்ணீர் குடித்ததும் கழிப்பறைக்குச் செல்லத் தோன்றும். இவர்களுக்கு உணவுக்குழாய் வழியாக வயிற்றில் ஏதாவது வந்து விழுந்தாலே பெருங்குடல் தூண்டப்படும். இவர்களுக்கு அடிவயிற்றின் இடது அல்லது வலப்புறங்களில் தசை சுருங்கி விரிவதால் சுளீர் என்ற வலி தோன்றி மறையலாம்.

’காஸ்டோகாண்ட்ரிடிஸ்’ எனப்படும் வீக்கம், நெஞ்சு எலும்புடன் நெஞ்சுக் கூட்டை தொடர்பு படுத்தும் கார்டிலேஜ் எனப்படும் தசை நாரில் உண்டாகும். இது நெஞ்சுக்கு கீழ் வலி ஏற்படுத்தக்கூடும். கனமான பொருட்களை தவறான கோணத்தில், முறையில் தூக்குவதால் இந்த வீக்கம் ஏற்படும்.

நெஞ்சு கூட்டுக்கு அருகே ஏற்கனவே சிறிய அளவில் அடி பட்டிருந்தால் வலி ஏற்படும். இது சில சமயங்களில் வயிறு வலி ஏற்படுத்தலாம். சிலருக்கு வாய்வுத் தொல்லை காரணமாக வயிற்றின் இடப்பக்கமோ வலப்பக்கமோ தசைப் பிடிப்பு ஏற்படலாம்.

இரண்டு வாரங்களுக்கும் மேல் வலி இருந்தால் குடல் மற்றும் இரைப்பை நிபுணரைச் சந்தித்து பரிசோதனை மேற்கொள்வது நல்லது. இது அப்பண்டிசைடிஸ் ஆக இருக்கலாம். ஆனால் அதற்கு மிக எளிய அறுவை சிகிச்சைகள் வந்துவிட்டதால் பயம் கொள்ளத் தேவை இல்லை. மதுப்பழக்கம் உள்ளவர்களுக்கு கணைய வீக்கம் ஏற்படும். இவர்களுக்கு பேங்கிரியாடிடிஸ் என்னும் நோய் ஏற்படும். இதனால் அடி வயிற்றில் வலி ஏற்படலாம்.

Loading...
Categories: arokiya unavu in tamil, Azhagu Kurippugal, Healthy Recipes In Tamil, Samayal Tips Tamil

Leave a Reply


Sponsors