இந்த 10 பொருள்ல எத வேணாலும் யூஸ் பண்ணுங்க… பொடுகு நிச்சயம் உங்கள எட்டியே பார்க்காது…

பொடுகு எப்போது வரும், எப்படி வரும்னு யாருக்குமே தெரியாது தான். ஆனால் வந்துட்டா நம்மை எரிச்சலாக்கிவிடும். அவ்வளவு சீக்கிரம் போகாது. இதற்காக விற்கப்படும் ஆன்டி- டியான்ரஃப் ஷாம்புக்கள் பொடுகு அரிப்பிலிருந்து தடுக்கின்றனவே தவிர, முழுமையாகப் பொடுகைப் போக்குவதில்லை. இதற்கெல்லாம் நம்முடைய பாட்டி வைத்தியம் தான் மிகச் சரியான முறை. அது பற்றி இங்கே விளக்கமாகப் பார்க்கலாம்.

​பொடுகெனும் பெருந்தொல்லை

உலக மக்கள்தொகையில் 50% மேற்பட்டோருக்கு அதாவது 3.6 பில்லியன் மக்களுக்கு பொடுகு பிரச்சனை இருக்கிறது. நீங்கள் அவர்களில் ஒருவராக இருந்தால் இந்த சிகிச்சைகள் உங்களுக்கு உதவும்.

உங்கள் தோள்பட்டை மீது எப்பொழுதும் பொடுகு செதில்களை நீங்கள் காண்கிறீர்களா? தொடர்ச்சியாக உங்கள் தலையில் ஏற்படும் அரிப்பினால் நீங்கள் தொடர்ந்து சங்கடத்திற்கு ஆளாகிறீர்களா? நீங்கள் இந்த பொடுகுத் தொல்லையால் எவ்வளவு அவதிப்படுகிறீர்கள் என்று எங்களுக்குத் தெரியும். இதற்கு ஒரு சரியான தீர்வை காண்பதற்காக நீங்கள் பலமுறை மருந்து கடைக்கு ஏறி இறங்கி இருப்பீர்கள். ஆனால் உங்களுக்கு மிஞ்சியது ஏமாற்றம் மட்டுமே.

இதுவரை பொடுகுக்கான சிகிச்சையைப் பற்றி நீங்கள் என்ன தெரிந்து வைத்திருக்கிறீர்கள்? உங்களுக்கு வழிகாட்ட நாங்கள் இருக்கிறோம், நம்பிக்கையுடன் இருங்கள். இந்த கட்டுரையில் நாம் பொடுகுத் தொல்லையிலிருந்து விடுபட உதவும் பழங்கால சிகிச்சைகளைப் பற்றி விவாதிக்கலாம். தொடந்து படியுங்கள்!

​பொடுகு என்பது என்ன?

தலையில் செதில்கள் போன்ற துகள்கள் கொண்ட பொடுகு ஒரு பொதுவான நாட்பட்ட நிலையாகும். ஆனால் பெரும்பாலான சந்தர்ப்பங்களில் அதை கட்டுப்படுத்தலாம். லேசான பொடுகை வழக்கமான ஷாம்பூக்களை பயன்படுத்தி சிகிச்சையளிக்கலாம். தீவிரமான பொடுணகத் தொல்லைக்கு பிரத்யேக மருத்துவ ஷாம்பூக்க்ள் தேவைப்படும்.

ஆனால் சிகிச்சையை தொடங்குவதற்கு முன் பொடுகை ஏற்படுத்துவது எது என்பதைப் பற்றி நாம் தெரிந்துக் கொள்ள வேண்டியது அவசியமாகும்.

​பொடுகை ஏற்படுத்துவது எது?

பின்வரும் காரணங்கள் உங்களுக்கு பொடுகு ஏற்படும் வாய்ப்புக்களை அதிகரிக்கிறது.

இது பொடுகு வருவதற்கான பொதுவான காரணங்களில் ஒன்றாகும். தலை சருமத்தில் சிகப்பான சிறிய கட்டிகள் பொடுகு செதில்களால் மூடப்பட்டிருக்கும். இந்த நிலை பொதுவாக எண்ணெய் சுரப்பிகள் நிறைந்த பகுதிகளை பெரும்பாலும் பாதிக்கிறது.

போதுமான அளவு ஷாம்பூ பயன்படுத்தாமை, தலையையும் கூந்தலையும் வழக்கமாக அலசாமல் இருந்தால் எண்ணெய் மற்றும் இறந்த செல்கள் உருவாகக் காரணமாகிறது. இது பொடுகு ஏற்பட வழிவகுக்கும்.

​மலாசெஜியா

மலாசெஜியா என்பது நம் தலையில் வாழும் ஒரு பூஞ்சைக் காளானைப் போன்ற ஈஸ்ட் தொற்று ஆகும். இது சருமத்தில் எரிச்சலை ஏற்படுத்தி சரும சறுக்கல் வறண்டு செதில் செதிலாக உதிர்வதற்கு காரணமாகிறது.

இது பொடுகு ஏற்படுவதற்கான மிக வெளிப்படையான காரணமாகும். வறண்ட சருமத்தால் செதில்கள் உருவாகி இறுதியில் பொடுகாக மாறுகிறது. பொதுவாக மற்ற காரணங்களால் ஏற்படும் பொடுகை விட இந்த செதில்கள் சிறியதாகவும் எண்ணைப்பசை குறைந்ததாகவும் இருக்கும்.

பொடுகு சில சமயங்களில் நாம் நினைப்பதை விட அதிக சிக்கல்களை ஏற்படுத்தலாம். அதுபோன்ற சந்தர்ப்பங்களில் நீங்கள் உடனடியாக மருத்துவ சிகிச்சைக்கு செல்ல வேண்டும்.

​எப்பொழுது பொடுகுக்கு உடனடி சிகிச்சை தேவை?

பெரும்பாலான சந்தர்ப்பங்களில் பொடுகினால் எந்த சிக்கல்களும் ஏற்படுவது இல்லை. ஆனால் சில சமயங்களில் இது ஒரு உள்ளார்ந்த நோயின் அறிகுறியாக கூட இருக்கலாம்.

உங்கள் தோல் அல்லது உச்சந்தலையில் சருமத்தில் சிவந்துபோதல், வீக்கம் மற்றும் தோல் மென்மையாகிவிடுதல் போன்ற அறிகுறிகளை காட்டுகிறது. மிதமான மருத்துவ சிகிச்சைகளை மேற் கொண்டாலும் சில நேரங்களில் பொடுகு தொடர்ந்து நீடிக்கிறது.

சில நேரங்களில் சொரியாசிஸ் அல்லது எக்சிமா போன்ற நோய் நிலைகள் உச்சந்தலையில் நமைச்சலை மோசமாக்குவதைக் காணலாம். இதுபோன்ற அறிகுறிகளை நீங்கள் கவனித்தால், மருத்துவரின் சிகிச்சையை தொடங்க வேண்டிய நேரமிது. உங்களுக்கு மருத்துவ சிகிச்சைகள் உதவும் அதே நேரத்தில் சில வீட்டு வைத்தியங்களும் கூடுதல் நிவாரணத்தை அளிக்கும்.

​டீ-ட்ரீ ஆயில்

டீ ட்ரீ ஆயில் அதன் பூஞ்சை தொற்றுகளுக்கு எதிரான மூலக்கூறுகளுக்காக பொடுகுக்கான சிகிச்சையில் பயன்படுத்தப்படுகிறது. செதில்களாக உதிரும் சருமம் அல்லது பொடுகு ஏற்பட காரணமான பூஞ்சை தொற்றுக்களை தடுக்க டீ ட்ரீ ஆயில் சருமத்தில் அல்லது உச்சந்தலையில் மேற்பூச்சாக பயன்படுத்தப்படுகிறது.

2 முதல் 3 சொட்டுகள் டீ ட்ரீ ஆயில்

2 முதல் 3 சொட்டுகள் தேங்காய் எண்ணெய்

நீங்கள் செய்யவேண்டியது

பஞ்சில் சில துளிகள் டீ-ட்ரீ ஆயிலுடன் சிறிதளவு தேங்காய் எண்ணையை கலந்து இந்தக் கலவையை உச்சந்தலை முழுவதும் தடவிக் கொள்ளுங்கள்.

எத்தனை முறை செய்ய வேண்டும்?

ஒரு வாரத்தில் 3 முதல் 4 முறை மீண்டும் மீண்டும் செய்யவும்.

​தேங்காய் எண்ணெய்

தேங்காய் எண்ணெய் மலாசெஜியா ஏற்படக் காரணமான பூஞ்சை தொற்றுகளுக்கு எதிராக போராடுகிறது. மேலும் சருமத்தில் செதில் செதிலாக உதிர்வது மற்றும் பொடுகை கட்டுப்படுத்த உதவுகிறது.

2 டேபிள்ஸ்பூன் தேங்காய் எண்ணெய்

நீங்கள் செய்யவேண்டியது

தேங்காய் எண்ணையை உங்கள் உச்சந்தலையில் நன்றாக மசாஜ் செய்யுங்கள்.

ஒரு மணி நேரத்திற்கு அதை அப்படியே விட்டு விட்டு பிறகு ஒரு மிதமான ஷாம்பு கொண்டு அலசி விடுங்கள்.

எத்தனை முறை செய்ய வேண்டும்?

நீங்கள் இதை வாரத்தில் 2 முறை திரும்பத் திரும்ப செய்ய வேண்டும்.

​வெங்காயச் சாறு

வெங்காயச்சாறு பைட்டோ கெமிக்கல் மூலக்கூறுகள் நிறைந்தது என்றும் இது பொடுகை தடுக்க பெருமளவில் உதவுகிறது என்றும் ஆய்வுகள் தெரிவிக்கின்றன. இதை மேற்பூச்சாக தடவும்போது சருமத்தில் செதில்கள் உதிர்வதை தடுத்து பொடுகை குறைக்கிறது.

பாதி வெங்காயம்

நீங்கள் செய்யவேண்டியது

பாதி வெங்காயத்தை அரைத்து அதன் சாறைப் பிழிந்து வடிகட்டிக் கொள்ளவும்.

உச்சந்தலை முழுவதும் அதை தாராளமாக தடவவும்.

ஒரு மணி நேரம் அதை அப்படியே விட்டு விட்டு பிறகு அலசி விடவும்.

எத்தனை முறை செய்ய வேண்டும்?

வாரத்தில் 2 நாட்கள் இந்த ஜூஸை உங்கள் உச்சந்தலையில் தடவவும்.

​சோற்றுக்கற்றாழை

கற்றாழை சரும கோளாறுகளுக்கு சிகிச்சை அளிக்க பயன்படும் பயோ ஆக்டிவ் சேர்மங்களின் வளமான ஆதாரமாகும். சோற்றுக் கற்றாழையில் இருக்கும் ஆன்ட்டி ஃபங்கல் மற்றும் ஆன்ட்டி மைக்ரோபியல் பண்புகள் பொடுகு உள்ளிட்டஎல்லாவிதமான பூஞ்சை தொற்றுகளையும் எதிர்த்து போராட உதவுகிறது.

கற்றாழை ஜெல்

நீங்கள் செய்யவேண்டியது

சிறிது கற்றாழை ஜெல்லை எடுத்து உங்கள் உச்சந்தலை முழுவதும் மசாஜ் செய்யுங்கள். தலையில் கற்றாழை ஜெல் முழுவதுமாக கிரகித்துக் கொள்ளப்பட்டதை உறுதி செய்யும் விதமாக வட்டப்பாதையில் மசாஜ் செய்யுங்கள்.

ஒரு மணி நேரம் கழித்து தலையை அலசி விடுங்கள்.

எத்தனை முறை செய்ய வேண்டும்?

வாரத்தில் இரண்டு முறையாவது இந்த ஜெல்லை பயன்படுத்த வேண்டும்.

​ப்ரோபயாடிக்ஸ்

தயிர் போன்ற ப்ரோபயாடிக் உணவுகளில் லேக்டோபேசில்லஸ் பாராசெஸ்ஸி போன்ற நல்ல பாக்டீரியாக்கள் அடங்கியுள்ளது. இது பொடுகை குறைக்க உதவுகிறது.

லேக்டோபேசில்லஸ் பாராசெஸ்ஸி உங்கள் உச்சந்தலையில் நுண்ணுயிர் சமநிலைகளை சரியான விகிதத்தில் மீட்டெடுக்க உதவுவதோடு பொடுகை போக்கவும் உதவுகிறது.

1 கப் ப்ரோபயாடிக் தயிர்

ஒரு கப் ப்ரோபயாடிக் தயிரை உணவில் சேர்த்துக் கொள்ளுங்கள்

எத்தனை முறை செய்ய வேண்டும்?

தினமும் செய்யுங்கள்

​லெமன்கிராஸ் ஆயில்

லெமன்கிராஸ் ஆயிலில் பூஞ்சைத் தொற்றுக்கு எதிரான மூலக்கூறுகள் அடங்கிய பயோ ஆக்டிவ் சேர்மங்கள் இருக்கின்றன. இந்த மூலக்கூறுகள் பொடுகுடன் தொடர்புடைய மலாசீஜியா ஃபர் ஃபர் ஃபர் எனப்படும் ஒருவகை பூஞ்ஜையை எதிர்த்து போராட உதவுகிறது.

2 முதல் 3 சொட்டுகள் லெமன்கிராஸ் ஆயில்

நீங்கள் செய்யவேண்டியது

சில துளிகள் லெமன்கிராஸ் ஆயிலை உங்கள் ஷாம்புவுடன் கலந்து உச்சந்தலை முழுவதும் தாராளமாக மசாஜ் செய்யுங்கள். வெறும் தண்ணீரைக் கொண்டு முழுவதுமாக அலசி விடுங்கள்.

எத்தனை முறை செய்ய வேண்டும்?

உங்கள் தலைமுடியை லெமன்கிராஸ் ஆயில் கொண்டு வாரத்தில் இரண்டு முறை அலசுங்கள்

​யூக்கலிப்டஸ் எண்ணெய்

குறைந்த அளவு செராமைட் கொண்ட உச்சந்தலையில் பொடுகு ஏற்படுவதற்கு அதிக வாய்ப்புள்ளது. பயோ ஆக்டிங் சேர்மங்கள் நிறைந்த யூக்கலிப்டஸ் எண்ணெய் உங்கள் உச்சந்தலையில் சேராமைடை அதிகரித்து பொடுகை குறைக்கும்.

2 முதல் 3 சொட்டுகள் யூகலிப்டஸ் எண்ணெய்

2 முதல் 3 சொட்டுகள் தேங்காய் எண்ணெய்

நீங்கள் செய்யவேண்டியது

சில துளிகள் யூகலிப்டஸ் எண்ணெயை தேங்காய் எண்ணெயுடன் நன்றாக கலந்து கொள்ளவும். இந்த கலவையை உங்கள் உச்சந்தலை முழுவதும் தடவி 30 முதல் 45 நிமிடங்கள் வரை அப்படியே விட்டு விடவும். பிறகு வெறும் தண்ணீரால் முழுவதுமாக அலசிவிடவும்.

எத்தனை முறை செய்ய வேண்டும்?

இந்த சிகிச்சையை நீங்கள் வாரத்தில் 2 முதல் 3 முறை பின்பற்ற வேண்டும்.

​பூண்டு

பூண்டில் உள்ள முதன்மையான பயோ ஆக்டிவ் மூலக்கூறுகள் ஜோயின் மற்றும் அல்லிசின் ஆகும். பொடுகு ஏற்பட காரணமான பூஞ்சை தொற்றுக்களை இது தடுக்கிறது.

சில பூண்டு பற்கள்

½ கப் ஆலிவ் எண்ணெய்

நீங்கள் செய்ய வேண்டியது

பூண்டை உரித்து நசுக்கிக் கொள்ளவும்.

இதை சூடான பேனில் ஆலிவ் ஆயிலுடன் சேர்க்கவும்.

கலவையை 5 நிமிடங்கள் சூடாக்கி பிறகு வடிகட்டி கொள்ளவும்.

ஆறியவுடன் உங்கள் உச்சந்தலையில் தேய்க்கவும்.

30 முதல் 45 நிமிடங்கள் அப்படியே விட்டுவிட்டு பிறகு அலசி விடவும்.

எத்தனை முறை செய்ய வேண்டும்?

வாரத்தில் இரண்டு முறை இந்த எண்ணையை தடவ வேண்டும்.

வேப்ப எண்ணெய்

பூஞ்சைத் தொற்றுக்களைத் தடுக்க வேப்பெண்ணை பரவலாகப் பயன்படுத்தப்படுகிறது. இதன் ஆன்டி ஃபங்கல் தன்மை சருமத்தில் செதில்களை குறைத்து எரிச்சலை கட்டுப்படுத்துகிறது.

2 முதல் 3 சொட்டுக்கள் வேப்பெண்ணெய்

2 முதல் 3 சொட்டுக்கள் தேங்காய் எண்ணெய்

நீங்கள் செய்ய வேண்டியது

தேங்காய் எண்ணையையும் வேப்பெண்ணையையும் கலந்து உங்கள் உச்சந்தலையில் மசாஜ் செய்யவும். 30 முதல் 45 நிமிடங்கள் அப்படியே விட்டுவிட்டு பிறகு வெறும் தண்ணீரால் அலசி விடவும்.

எத்தனை முறை செய்ய வேண்டும்?

வாரத்தில் 2 முதல் 3 முறை இந்த சிகிச்சையை பின்பற்றலாம்.

Loading...
Categories: Azhagu Kurippugal, Beauty Tips Tamil

Leave a Reply


Sponsors